Bürgerstammtisch mit der Metropol

Wä Loss hät zo erfahre, wä die Domplomb jefleck, dat dä Dom en Huusnummer hät, wo der Platzjabbeck hängk, wäm der Kallendresser jet dr…un noch vill andere Anekdötcher un Verzällcher, kann sich jo melde. Mer treffen uns am 18. September öm 16.30 Uhr aan der Krüzbloom vörm Dom. Die Föhrung ess op Kölsch un do’t ca. 2 Stund. (Wä et nit all versteit, dem kann jeholfe wääde.) Hingerherr du’mer en der „Pfeffermühle“ em „Hänneschen“ met nem leckere Kölsch et Strössje spöle, wenn et coronarisch jeit.  Max. 15 Personen, Anmeldung erforderlich Kostenbeitrag: Mitglieder 5€, Nichtmitglieder 10€